Laerskool Kruinpark

Sport

Sport

Rugby

Rugby spanne is van O/9 A en B tot 2de en 1ste span. Kruinpark speel in die Superliga en is tans die kleinste wat getalle betref in die Superliga. In 2018 het die O/11 A Span 2de plek behaal met KykNet se Rugbyrumme en eindig hulle 3de in die Hoëveldreeks.


Pumaki Rugby

Pumaki Rugby word vir Gr R, Gr 1 en Gr 2 aanegbied en vind plaas in die 2de kwartaal. Ons kompeteer tans teen plaaslike skole ter voorbereiding vir senior Rugby. Dit is ‘n wonderlike geleentheid om liefde vir die spel te ontwikkel.


Atletiek

Ons streef elke jaar daarna om ons atletiek te verbeter en ‘n passie in die kinders te kweek. In 2018 was daar 3 atlete SA’s toe en streef ons elke jaar om daarop te verbeter!


Netbal

Netbal spanne is van O/11 A en B tot O/13 A en B. Die O/10 tot O/13 dogters gaan elke jaar op ‘n netbaltoer en het verskeie kursusse wat aangebied word vir die dogters. Klinieke word aangebied.


Krieket

Krieket spanne is van O/9 tot O/13. Kruinpark speel in die Superliga en al is ons tans die kleinste wat getalle betref, het ons O/11 Krieketspan in 2018 as Mpumalanga Naaswenners uitgestap!


Gholf

Gholf word deur Mnr. Johann Grib aangebied vir leerlinge wat reeds gholfvaardighede het. Daar is ‘n paar toernooie waaraan hulle deelneem elke jaar asook ‘n toer waarop hulle gaan.


Landloop

‘n Groot groep atlete, vanaf O/7 – O/13 het hard gewerk in die landloopseisoen. Daar was verskeie byeenkomste waarvan Laerskool Goedehoop, Kallie de Haas en Hoëveldgroep vriendskaplike byeenkomste was.

Die Zone byeenkoms (Hoëveldrif) was ‘n Kampioenskapsbyeenkoms en 7 atlete het deurgedring na Gert Sibande.

  1. Danell Eksteen
  2. Mart-Mari Lourens
  3. Jordan Webb
  4. Luzelke van Wyk
  5. Ilse-Marie Eksteen
  6. Amelia Shaw
  7. Anja du Toit

 

5 van die atlete het deurgedring na die Mussa byeenkoms.  Luzelke van Wyk het deurgedring na die S.A. Landloopkampioenskappe waar sy 7de geïndig het in haar ouderdomsgroep.

Kruinpark Landloop is van hoogstaande gehalte en groei ons elke jaar ons leerders se potensiaal!


Skaak

Ons het 5 skaakspanne wat aan die plaaslike liga deelneem.  O/9, 0/11, O/13 Dogters en ‘n O/13 B-span.

Ons het ook ‘n O/7 span (Graad een) wat net vriendskaplik deelneem.

In 2017 het ons 3 spanne gehad wat aan die Mpumalanga skole-skaak deelgeneem het.  Die O/9 span was Mpumalangawenners.

In 2018 het 2 spanne aan die Mpumalanga skole-skaak deelgeneem.  Die O/13 B-span het ‘n 2de plek en die O/9 span ‘n 3de plek behaal.

Ter wille van ons kinders probeer ons voveel as moontlik leerders kans gee om ook saam te oefen.  Skaak is immers dié sport wat jou brein ontwikkel en jou Wiskunde vaardighede verbeter.

Vyf van ons leerders het aan die einde van 2018 deelgeneem aan die Junior S.A. Kampioenskappe.


Hokkie

Hokkie vind plaas in die 3de Kwartaal. Daar is seuns en dogters-hokkie en word daar klinieke ook aangebied.

Hokkie
Hokkie

Tennis

Tennis vind plaas in die 3de en 4de kwartaal met ‘n Dogter en Seunspan wat elk 5 leerlinge het. Dit is vir Gr4 – 7 leerders maar daar is oefening vir beginners ook. Die tennis neem deel aan die liga elke jaar en het in 2018 deurgedring tot by die semi’s van Gert Sibande.


Mini-Netbal

Mini-Netbal word vir Gr R, Gr 1, Gr 2 en Gr 3 aangebied en vind plaas in die 2de kwartaal. Daar word ‘n kliniek elke jaar aangebied Ons kompeteer tans teen plaaslike skole ter voorbereiding vir senior Netbal. Dit is ‘n wonderlike geleentheid om liefde vir die spel te ontwikkel.


Mini-Hokkie

Mini-Hokkie word vir Gr R, Gr 1, Gr 2, Gr 3 en Gr 4 aangebied en vind plaas in die 3de kwartaal. Daar word ‘n kliniek elke jaar aangebied Ons kompeteer tans teen plaaslike skole ter voorbereiding vir senior Hokkie. Dit is ‘n wonderlike geleentheid om liefde vir die spel te ontwikkel.


Mini-Krieket

Mini-Krieket word vir Gr 1 en Gr 2 aangebied en vind plaas in die 3de kwartaal. Ons kompeteer tans teen plaaslike skole ter voorbereiding vir senior krieket. Dit is ‘n wonderlike geleentheid om liefde vir die spel te ontwikkel.


Jukskei

Jukskei is ‘n spansport wat inheems aan Suid-Afrika is en word deur mans, vrouens en kinders gespeel. Die spel is ‘n somersport en word deur twee spanne van vier spelers elk met twee rubber- of houtskeie gespeel wat tussen 11 en 16 meter na ‘n houtpen in ‘n sandput gegooi word. Ons skool doen elke jaar fantasties in die sport.


Sokker

Ons is een van min skole in Mpumalanga wat Sokker aanbied en ook ‘n dogterspan het. Sokker is tydens die 4de kwartaal. Spanne is O/9, O/11 en O/13 Seuns en O/13 Dogters. Sokker is tans in sy beginfase by Kruinpark en groei en ontwikkel dit elke jaar.