Wie is ons
Wie is ons
Skool se Geskiedenis.
Laerskool Kruinpark, as vierde Afrikaans Medium Laerskool open op 11 Januarie 1989 met 571 leerlinge en 26 onderwysers.
Op 24 Februarie word die skool amptelik as Laerskool Kruinpark met die leuse “Glo, Leer en Leef” bekend gestel. Mnr. D.J.F. Laubscher word aangestel as die eerste permanente hoof van Laerskool Kruinpark.
Met toewyding en liefde begin Mnr. D.J.F. Laubscher om die leë turf op te bou tot 'n uitnodigende en kindervriendelike speelterrein. Die Juniorspeelgrond is binne die eerste kwartaal geplant. Geen harde werk was te swaar vir oom Dirk se hande nie!
Die ouer gemeenskap is van die begin af positief betrokke by die skool.
Mnr. B. Viljoen word verkies tot voorsitter van die eerste bestuursraad van die skool. Op 26 Junie 1989 word 500 vierkante meter grassooie tydens 'n reuse grasplantaksie deur hoof, personeel en leerlinge gelê, danksy 'n donasie deur ouers. Teen 18 April is die atletiekbaan en eerste rugbyveld reeds gevestig.
Theo Vermaak en Sonja Greeff word aangewys as die eerste hoofseun en hoofdogter van Laerskool Kruinpark.
Om aan die groeiende behoefte van werkende ouers te voldoen, open Laerskool Kruinpark in 1995 'n naskoolsentrum. Die naskoolsentrum is beskikbaar vir Laerskool Kruinpark leerders vanaf graad 000 regdeur tot graad 7.
Op 1 Januarie 2001 open Kruintjie Kleuterskool sy deure met Me. Ina Penzhorn as hoof. Kruintjie Kleuterskool het graad 000, graad 00 en graad R klassies. Die kleuterskole het ook hul eie veilige speelgronde, weg van die laerskool se speelgronde.
Mnr. C.A.D. Heese is as hoof aangestel by Laerskool Kruinpark in 2018. Hy het ‘n massiewe projek van stapel gestuur vanweë die besef dat tegnologie, robotika en innoverende denke, ons leerders se toekoms gaan wees. Vanaf 2019 tot 2021 word elke klaskamer toegerus met slimborde wat aanlyn werk.
Laerskool Kruinpark word in Januarie 2020 die eerste Afrikaanse skool in Mpumalanga wat Robotika en Kodering as vak aanbied vir graad R tot en met graad 7 leerders. Laerskool Kruinpark is nou betrokke met ander skole om hulp en leiding te bied wat ook Robotika en Kodering wil aanbied en het menigte skole al op ons skoolterein verwelkom.
In 2022, onder leiding van meneer Cuen Coetzee, skryf Laerskool Kruinpark ons eerste Lego League span in om aan die First Lego League, Gauteng-Suid se streek kompetisie deel te neem en ontvang hulle ‘n 2de plek vir “core values award”. Tegnologie is die pad vorentoe en Laerskool Kruinpark poog om die fondasie vir ons leerders se toekoms stewig vas te lê!
Die skool se badkamers kry in 2021 'n nuwe baadjie wat beslis die reputasie van skoolbadkamers 'n nekslag toedien! Met moderne teëls, nuwe spieëls, gordyne en opgegradeerde toilette, gebruik leerlinge en besoekers met vrymoedigheid die badkamers.
Laerskool Kruinpark is die eerste skool in Secunda en omliggende omgewings wat weg beweeg het van die tradisionele leiers kies en ‘n leierontwikkelingsprogram begin het in 2021, waar die hele graad 7 groep deel is van die ontwikkelingsprogram en op ‘n roterende basis elkeen geleentheid kry om aan alle aktiwiteite by die skool deel te wees op verskeie vlakke.
Elke graad 7 leerder kry ‘n beurt om vir die skool te open, die vlag te hys, by aktiwiteite leierskap te neem, organisering van geleenthede ensovoorts.
Laerskool Kruinpark het klein begin, maar gegroei tot 'n moderne, netjiese, goed instandgehoude en toegeruste skool wat voorsien aan die behoeftes van leerders en hul ouers deur 'n volledige diens te lewer met 'n kleuterskool, skool en naskoolsentrum, sowel as ‘n busdiens, op een terrein.
Alhoewel Kruinpark die jongste skool in Secunda is, het die skool reeds gevestigde tradisies wat van elke leerling 'n ware Kruinparker maak!
Ons skool is gevestig in, en volg Christelike waardes.
Ons skool het puik, gekwalifiseerde onderwysers.
Ons stap die ekstra myl om aan elke leerder se behoeftes te voldoen.
Elke kind is uniek en word geleentheid gebied om deel te neem aan akademie, sport & kultuur.
Laerskool Kruinpark bied ‘n wye verskeidenheid buitemuurse aktiwiteite sodat daar vir elkeen iets is.
Hier by Laerskool Kruinpark word groot klem gelê op akademie.
Ons onderwysers maak seker dat elke kind veilig en geliefd voel.
Elke kind word ontwikkel tot hulle volle potensiaal deur top onderrig van top gekwalifiseerde onderwysers.
Elke kind is vir ons spesiaal en nie net ‘n nommer nie.
Daar vind deurlopende kommunikasie tussen onderwysers en ouers plaas op D6 Connect en Facebook.
Kruinpark is ‘n skool waar die Hoof, Mnr. Danie Heese se deur altyd oopstaan vir ouers. U kind se welstand is vir ons belangrik!
Kruinpark is voorwaar DIE SKOOL waar elke leerder ‘n geleentheid kry om te ontwikkel!
Bestuur
| Meneer Danie Heese | Skoolhoof |
|---|---|
| Meneer Barnie Botha | Adjunkhoof |
| Juffrou Marianna Victor | Departementshoof: Opvoedkundige Leiding |
| Juffrou Diana van Wyk | Departementshoof |
| Meneer Jan-Divan Preuyt | Departementshoof |
| Meneer Wihan Engelbrecht | Sporthoof |
| Meneer Stefan Nienaber | Kultuurhoof |
| Meneer Johann Grib | Addisionele Bestuurslede |
| Juffrou Soné Sykes | Addisionele Bestuurslede |
| Juffrou Sharné Engelbrecht | Addisionele Bestuurslede |
Admin Personeel
| Alita Mans | Ontvangs, in- en uitteken, Departement hulp |
|---|---|
| Shirley Naudé | Kassiere, Admin graad 000 tot graad 7, Inskrywings |
| Carien Rossouw | Debiteure, Hulpfonds, Busdiens, Naskool |
| Ankia Emslie | Administrasie Finansies |
| Jakkie Dreyer | Klerewinkel |
| Delanie Kruger | Bemarking, D6 Connect hulp, Kommunikasie, FB Blad instandhouding, Fondsinsamelings |
| Innes Stroebel | Faktotum, skool instandhouding |
Kruintjie Pre-primêr
| Departementshoof | Juffrou Diana van Wyk | |
| Graadhoof Kleuters | Juffrou Ninette Booysen | |
| Graad 000 | Rooi Smurfie klas | Juffrou Connie Jefferies |
| Graad 00 | Blou Vissie klas | Juffrou Ninette Booysen |
| Groen Safari klas | Juffrou Caylin Mc Lean | |
| Pienk Legkaart klas | Juffrou Chantal Goosen | |
| Geel Plaas klas | Juffrou Roelanda van Loggerenberg | |
| Pers Koala klas | Juffrou Nadia Erasmus | |
| Graadhoof Graad R | Juffrou Alecia van Blerk | |
| Graad R | Skapie klas | Juffrou Zané Cilliers |
| Uiltjie klas | Juffrou Amanda Smith | |
| Llama klas | Alecia van Blerk | |
| Wolvriendjie klas | Susan Bruwer | |
| Hasie klas | Bianca Jacobs | |
Grondslagfase
Grondslagfase sluit graad 1, graad 2 en graad 3 in.
| Departementshoof | Juffrou Diana van Wyk |
| Graad 1 | Juffrou Diana van Wyk |
| Juffrou Sharné Engelbrecht | |
| Juffrou Natasha Claasen | |
| Juffrou Hanneri Fourie | |
| Juffrou Melanie Greeff | |
| Graad 2 | Juffrou Nikita Kriel |
| Juffrou Soné Sykes | |
| Juffrou Celesté Preuyt | |
| Juffrou Mennissa Pieterse | |
| Juffrou Stefanie Barnard | |
| Graad 3 | Juffrou Magda du Plessis |
| Juffrou Stephanie van Zyl | |
| Juffrou Anjo Slabbert | |
| Juffrou Natasha Visagie | |
| Juffrou Charné Schnetler | |
Intermediêre Fase
| Departementshoof | Meneer Jan-Divan Preuyt |
| Graad 4 | Meneer Corrie Smit |
| Juffrou Lizelle Carter | |
| Juffrou Angelique van Wyk | |
| Juffrou Ilze Viljoen | |
| Graad 5 | Juffrou Jurene Kemp |
| Juffrou Nadine Barnard | |
| Meneer Carel du Plessis | |
| Juffrou Bernadine janse van Vuuren | |
| Juffrou Kaylan van Wyk | |
| Graad 6 | Meneer Wihan Engelbrecht |
| Meneer Cuen Coetzee | |
| Juffrou Anika Griessel | |
| Juffrou Marisa Erasmus | |
| Juffrou Hildé Kleyn | |
Senior Fase
Senior fase is graad 7 in die Laerskool.
| Departementshoof | Meneer Jan-Divan Preuyt |
| Graad 7 | Meneer Hennie Senekal |
| Meneer Stefan Nienaber | |
| Juffrou Jolinda van der Merwe | |
| Juffrou Marié Grib |
Naskoolsentrum
Ons huisie weg van die huis maak voorsiening vir die versorging van werkende ouers se kinders.
Met hulle eie klasse en badkamers vir gebruik in die middae, is die naskool ideaal vir ouers wat toesig vir hul kinders in die middae na skool nodig het. Die kleuterskool naskoolsentrum is veilig omhein met eie speelgrond en klimrame. Die laerskool naskoolsentrum maak gebruik van die rugbyveld vir speeltyd en verskeie grade se klaskamers vir huiswerk tyd.
Onder die leiding van die naskoolsentrumhoof, Me. Hester Steinmann, word die huiswerk en buitemuurse aktiwiteite van die leerders goed bestuur en gekoördineer.
Die personeel van Laerskool Kruinpark se naskoolsentrum maak ook seker dat vakansies vir die leerders prettig is. Hulle word besig gehou met kunsprojekte, bak en brou, "fancy-dress" en prettige aktiwiteite soos springkastele, waterwurms, ens.
- Geen ekstra fooie word vir vakansies betaal nie.
- Die naskoolsentrum jaar strek vanaf vroeg in Januarie tot middel Desember.
- Naskoolsentrum ure gedurende die kwartaal:
- Kleuterskool: 13:00 - 17:00
- Laerskool: 13:30 - 17:00
- Naskoolsentrum ure vakansies: 06:30 - 17:00